25 янв 11:47
Янгиликлар
Футбол
Умид Аҳмаджонов ЎФФ президентлигидан кетди, Ачилбай Раматов энди ўзбек футболи раҳбари
Бугун Ўзбекистон Футбол Федерациясининг навбатдан ташқари ҳисобот-сайлов конференцияси бўлиб ўтди.
Унда ЎФФнинг янги президенти номи эълон қилинди. Ўзбекистон Республикаси Бош вазирининг биринчи ўринбосари, "Ўзбекистон темир йўллари" акционерлик жамияти бошқаруви раиси Ачилбай Жуманиязович Раматов Ўзбекистон Футбол Федерациясининг янги президенти сифатида эълон қилинди.
Ҳавола :
Манба : olamsport.com
Фикрлар
"Болалар мураббийи 300 минг сўм маошга кун кўра оладими? Нима, унинг оғзи йўқми, овқат емайдими? Албатта бу пул унга етмайди ва етмаганини ота оналардан олишга ҳаракат қилади. Вилоятларда ҳозир қандай футболчилар етишиб чиқди? Бу ёғини ким ўйлайди?
Футболчи ҳамма нарсага эга бўлиши лозим. У 30 ёшида футболдан кетгандан сўнг нима қилади? Вилоятларда ҳам жисмоний тарбия институтлари жорий қилиш лозим. Улар болалар билан ишлашни ўргансин. Мен буюк футболчи бўлмаганман, аммо бироз бўлса ҳам аралашганим туфайли бу гапларни биламан ва сизга айтяпман.
Биз муаммоларни ҳал қилиш учун танқидий ёндошиб, чора тадбирлар ўйлаб топишимиз лозим. Хориждан мураббийларни жалб этишимиз лозим. Катта пулга ишлайдиган номдор мураббийларни чақириш шарт эмас. Ишига яраша маош оладиган малакали мутахассислар топиш лозим. Бизда ҳамон "совет мактаби" сақланиб қолган. Европада футболчи эркин ўйнайди, бемалол масъулиятни ўзига олади. Бизда эса собиқ иттифоқ даврида ўргатилган футбол сақланиб турибди. Табиийки Роналду ёки Мессидек футболчи чиқиши қийин. Жисмоний тайёргарликни кучайтириш осон эмас. Бунинг учун ёшликдан ишлаш керак".