02 мар 09:13
Янгиликлар

Бокс/ММА

Усик машғулот манзили сифатида Барселонани танлади

Украиналик боксчи Александр Усик Бутунжаҳон бокс суперсериясининг финал жангига тайёргарликни Испанияда ўтказадиган бўлди.

Усик биринчи оғир вазн тоифасида WBO ва WBC йўналишлари чемпиони ҳисобланади. У ҳал қилувчи финал жангида россиялик Мурат Гассиевга қарши рингга кўтарилади.

Гассиев IBF ва WBA йўналишларида жаҳон чемпиони бўлиб турибди. Усикнинг машғулоти Испаниянинг Барселона шаҳрида Сергей Ватаманюк мураббийлигида бўлиб ўтади. Суперсериянинг финал жанги эса 11 май куни Саудия Арабистонининг Жидда шаҳрида ўтказилади.