Усман: Эртага Сен-Пьерга етиб оламан, ундан ўтиб кетсам ажойиб бўларди

"Рақиб ўзгаргани менинг тайёргарлигимга таъсир қилди демаган бўлардим. Чунки, чемпионлар айнан шундай пайдо бўлади. Барча Масвидалнинг қисқа вақт ичида жангга чиқаётгани ҳақида гапирди. Аммо, мухлисларни Масвидаль мен билан жанг қилишга лойиқ эканлигига қандай қилиб ишонтирсам бўлади? Мен унинг имкониятларига паст баҳо бераётганим йўқ. Масвидаль - кучли жангчи, лекин менинг маҳоратим бошқа даража.

Агар истасам ўзим хоҳлаган вақтда барчасини ҳал қиламан. "Стойка"да ҳам уриша оламан. Агар истаганимда рақиб ўзгаргани учун жангни бекор қилишим ҳам мумкин эди. Мен ҳақиқий жангчиман ва трештокка эътибор бермайман. Бу ерга жанг қилиш учун келганман. 

Мен Жорж Сен-Пьер билан жанг қилишни истардим. Яқинда ажойиб фактни билиб қолдим: Сен-Пьерга 12 та кетма-кет ғалабали серияни амалга ошириш учун 1875 кун керак бўлган экан. Эртага мен 12-ғалабамни қўлга киритаман, менга ҳам бунинг учун айнан 1875 кун керак бўлар экан. Бу борада Сен-Пьерга тенглашиб оламан. Агар ўтиб кета олганимда зўр бўларди. Лекин UFC менга қайси рақибни қўйиб берса, ўшанга қарши жанг қилавераман", - деди Усман.