08 фев 11:18
Янгиликлар

Бокс/ММА

Усман Нурмагомедов чемпионлик камарини ҳимоя қилди

БААнинг Дубай шаҳрида PFL Championship Series 5 турнири бўлиб ўтди.

Оқшомнинг асосий жанги енгил вазн тоифасида ўтказилиб, унда Усман Нурмагомедов ўзига тегишли PFL чемпионлик камарини англиялик Элфи Дэвисдан ҳимоя қилди. Икки раунд давомида Усман октагонда ҳукмронлик қилди. Дэвиснинг зарбалари ҳам анча хавфли бўлди.

Учинчи раунд якунланишини арафасида Нурмагомедов рақибини партерга туширди ва бўғиш усули эвазига ғалаба қозонди. Дэвис бу вазиятда ухлаб қолди ва рефери дарҳол жангни тўхтатди.

Шу тариқа, Усман Нурмагомедовнинг ғалабалари 21 тага (15 таси муддатидан аввал) етди. Унинг иштирокидаги битта жанг ўтказилмаган дея топилган.