01 окт 08:47
Янгиликлар

Теннис

Ухань (WTA). Гарсия бош мукофот ва 487 245 доллар соҳибаси

Хитойнинг Ухан шаҳрида теннис бўйича соврин жамғармаси 2,36 миллион доллардан иборат бўлган нуфузли турнир якунланди.

WTA Premier 5 тоифасига кирувчи ушбу мусобақада франциялик Каролин Гарсия бош мукофот соҳибасига айланди. Дунё рейтингида 20-ўринни эгаллаб турган Гарсия финал учрашувида австралиялик Эшли Бартини 6:7(3), 7:6(4), 6:2 ҳисобида таслим этди.

Финал учрашуви 2 соату 43 дақиқа давом этган. Ухан Очиқ чемпионатидаги муваффақиятли иштирок Каролинга 487 минг 245 доллар мукофот пули ҳамда 900 рейтинг очкосини тақдим этди. Бу Гарсия учун мавсумдаги биринчи, фаолиятидаги тўртинчи соврин бўлди.