02 мар 10:20
Янгиликлар
Бокс/ММА
“Uzbek Tigers” навбатдаги жангни қаерда ва қайси жамоага қарши ўтказади?
Кеча оқшом Бутунжаҳон бокс сериясининг учинчи турида “Uzbek Tigers” жамоаси Колумбиянинг “Colombia Heroicos” боксчиларини 4:1 ҳисобида мағлуб этган эди.
Гуруҳнинг 3та учрашувида 2та ғалабага эришган боксчиларимиз энди Колумбияга сафар уюштиришади. Чарм қўлқоп усталаримиз 23 март куни Колумбияда “Colombia Heroicos” жамоаси меҳмони бўлишади.
Эслатиб ўтамиз, кеча боксчиларимиздан Шунқор Абдурасулов ва Маҳмуд Ғоипов ўз жангларини муддатидан аввал якунлашга муваффақ бўлишганди.
Кечаги жанг натижалари:
-52 кг: Худойназар Файзов - Кейбар Авила 0:2
-60 кг: Шунқор Абдурасулов - Дуван Зулета (ҳамюртимиз тўртинчи раундда рақибини техник нокаутга учратди)
-69 кг: Маҳмуд Ғоипов - Александр Ранхел (учинчи раунддан сўнг техник ғалаба)
-81 кг: Бектемир Мелиқўзиев - Диего Алехандро Мотоа (3:0)
+91 кг: Баҳодир Жалолов - Кристиан Салкедо (3:0)
Ҳавола :
Манба : olamsport.com
Фикрлар