Велотрек бўйича Осиё чемпионатида биринчи бўлдик

Унда қитъамизнинг 20 та давлатидан спортчилар ва пара спортчилар  иштирок этиб, ғолиблик учун кураш олиб борди. 

Хусусан, Ўзбекистон терма жамоаси мазкур Осиё чемпионатида муваффақиятли иштирок этиб, тарихий натижаларни қайд этди. Қитъа чемпионати давомида ёшлар ва катталар ўртасида 24 та олтин, 11 та кумуш ва 9 та бронза умумий ҳисобда 44 та медаль қўлга киритилди. Улардан 21 та олтин, 10 та кумуш ва 5 та бронза медали пара спортчиларимизга тегишли.  Бу натижа билан Ўзбекистон терма жамоаси умумжамоа ҳисобида биринчи ўринни эгаллади.