Виталий Кличко ЕЧЛда қайси жамоага мухлислик қилишини айтди

Таъкидлаш жоиз, Чемпионлар лигасининг финал учрашуви келаси йили айнан Киев шаҳрида бўлиб ўтади. Кличко “Шахтёр”га мухлислик қилиши ва бўлажак финалда донецклик футболчиларни кўриш истагини борлигини маълум қилди.

“Киевдаги финалга қайси жамоа чиқишидан қатъий назар, ўйиннинг ташкилий масалалари юқори савияда бўлади. Энг нуфузли турнирнинг финал ўйинини айнан бизга ишониб топширишганидан хурсанд бўлдик. “Шахтёр”да финалда ўйнаш имконияти бор.

Қолаверса, “Бавария” ҳамда Европа лигасида ўйнаётган “Милан” клубларига ҳам мухлислик қиламан. Бу икки жамоа таркибида жуда ҳам кўп дўстларим тўп тепишади. Энг яхши футболчи? Бу шубҳасиз, Андрей Шевченко”, – деди Кличко.

Эслатиб ўтамиз, “Шахтёр” ЕЧЛнинг 1/8 финал босқичида Римнинг “Рома” клубига қарши баҳс олиб боради.