08 авг 10:55
Янгиликлар

Бокс/ММА

WBC чемпиони Терри Харпер илк ҳимоя жангини ўтказди

Matchroom Fight Camp сериясига кируви иккинчи бокс оқшоми бўлиб ўтди.

Марказий жангда аёллар ўртасида биринчи енгил вазн тоифасида WBC йўналиши чемпиони Терри Харпер даъвогар Наташи Жонасга қарши рингга кўтарилди. Жанг амалдаги чемпион учун жуда ҳам қийин ва мураккаб кечди. Буни якуний натижа ҳам исботлаб турибди.

Ҳакамлар баҳосига кўра жанг дуранг натижа билан якунланди — 96-94, 95-95, 94-96. Мавжуд қоидаларга кўра дуранг натижа қайд этилган ҳолатда камар чемпионда қолади. Бу Террининг илк ҳимоя жанги эди. 23 ёшли Харпер шу йилнинг февраль ойида WBC камарини қўлга киритганди.