WBC чемпионининг мураббийи шон-шуҳрат Залига қабул қилинади

Бу мутахассис кўплар жаҳон чемпионларига мураббийлик қилган. Ҳозирда WBC йўналиши чемпиони украиналик Александр Гвоздик (16-0, 12 КО) билан бирга ишлаяпти. Тантанали маросим 2019 йилнинг июнь ойида бўлиб ўтади. 

Тедди Атласдан ташқари собиқ боксчилар - Дональд Карри, Жулиан Жексон, Бадди Мак-Герт, Тони Демарко, промоутер Дон Элбаум, ҳакам Гай Жютра, журналист Ли Самуэльс 2019 йилги номинантлар сифатида шон-шуҳрат Залига қабул қилинади. 

Маълумот учун, Тедди Атлас фаолияти давомида Майкл Мурер, Барри Мак-Гиган, Александр Поветкин, Тимоти Бредли каби машҳур боксчиларга мураббийлик қилган. Унинг шогирди Александр Гвоздик якшанба тонгида канадалик Адонис Стивенсонни нокаутга учратиб, WBC чемпионига айланганди.