07 мар 18:37
Янгиликлар

Бокс/ММА

WBC президенти: Головкин - Канело жанги ўтказилиши керак

Бутунжаҳон бокс уюшмаси (WBC) президенти Маурицио Сулейманнинг айтишича, Сауль “Канело” Альвареснинг допинг-назоратдан ўта олмагани Геннадий Головкинга қарши кечадиган жангнинг ўтказилишига соя солмайди.

Хабарингиз бор, Головкинга қарши жанг олдидан Альварес допинг-текширувдан ўта олмаган эди. Унинг қон таркибидан тақиқаланган модда топилганди.

“Ўйлашимча, 5 май кунига белгиланган жанг ўз вақтида ўтказилади. Кленбутерол моддаси бокс ва футболда яхшигина муаммоларни келтириб чиқарган. Альваресда аниқланган бу модда 0,6–0,8 нанограммни ташкил қилади ва бу унчалик ҳам қўрқинчли эмас.

2016 йили Франсиско Варгасда ҳам кленбутерол моддаси аниқланганди. Лекин ўшанда Калифорния штати Спорт комиссияси масалани Варгас фойдасига ҳал қилган эди. Унинг Орландо Салидо билан жанги белгиланган вақтда ўтказилганди”, - деди Сулейман.