30 мар 13:30
Янгиликлар
Бокс/ММА
WBO Мозес Итаумани мажбурий даъвогарга айлантиради
Бутунжаҳон бокс ташкилоти (WBO) тез орада Мозес Итаумани супероғир вазн тоифасидаги чемпионлик камари учун мажбурий даъвогар этиб белгилайди.
Бу ҳақда ташкилот президенти Густаво Оливьери маълум қилди.
"Мен Чемпионлар қўмитасига Итаумага WBO супероғир дивизионида мажбурий даъвогар мақомини беришни расман тавсия қиламан", - деб ёзди Оливьери ижтимоий тармоқдаги саҳифасида.
Эслатиб ўтамиз, WBO чемпионлик камари айни пайтда Итаума сингари Бен Дэйвисон қўл остида шуғулланадиган Фабио Уордлига тегишли бўлиб турибди. Боксчилар бир залда ёнма-ён шуғулланишади ва авваллари бир неча бор бир-бирлари билан тўқнаш келишни истамасликларини айтишган.
Ҳавола :
Манба : allboxing
Фикрлар