Wimbledon. Маттео Берреттини 1/2 финалда!

Дунёнинг тўққизинчи ракеткаси, италиялик Маттео Берреттини ярим финал йўлланмасини қўлга киритди. У 3 соату 4 дақиқа давом этган чорак финал баҳсида рейтингнинг 19-поғонасидан жой олиб турган, Тошкент "Челленжер" турнирининг сўнгги ғолиби, канадалик Феликс Ожени мағлубиятга учратди - 6/3, 5/7, 7/5, 6/3.

Маттео учрашув давомида 12 та, Феликс эса 13 та эйс зарбасини амалга оширди. Теннисчиларнинг ўзаро учрашувларидаги ҳисоб 2:0 кўринишига келди. Энди Берреттини Уимблдон ярим финалида польшалик Хуберт Гуркачга қарши кортга чиқади.