15 ноя 15:06
Янгиликлар

Теннис

ATP Finals. Зверев сўнгги имкониятдан фойдалана олмади, канадалик 1/2 финалга чиқди

Дунёнинг учинчи ракеткаси Александр Зверев Италиянинг Турин шаҳрида давом этаётган Якуний ATP турниридаги иштирокини гуруҳ босқичидаёқ якунлади.

Германиялик теннисчи гуруҳ босқичининг сўнгги учрашувида ATP рейтингида саккизинчи ўринда бораётган канадалик Феликс Оже-Альяссимга имкониятни бой бериб қўйди - 4/6, 6/7(4). Теннисчиларнинг ўзаро учрашувларида ҳамон Зверев олдинда бормоқда - 6:4.

Икки соату саккиз дақиқа давом этган баҳсда Зверев 9, Оже-Альяссим 11 та эйс зарбани амалга оширган. Феликс 2 ғалаба ва 1 мағлубият билан Бьорн Борг номли гуруҳда иккинчи ўринни эгаллади ҳамда фаолиятида илк бор ATP Finals турнирининг плей-офф босқичига чиқди. Ярим финалда у дунёнинг биринчи ракеткаси Карлос Алькарасга қарши кортга чиқади.