WTA рейтинги янгиланди. Энди Топ-100`таликда ҳам ўз теннисчимиз бор

Янгиланган рейтингда ниҳоят Россиядан маҳаллийлаштирилган теннис маликаларимиз Камилла Раҳимова, Полина Кудерметова Ўзбекистон вакилалари сифатида кўрсатилган. Камилла Раҳимова WTA рейтингида 97-ўрин билан Ўзбекистоннинг биринчи ракеткасига айланди. Полина Кудерметова 104, Мария Тимофеева 143-ўринни эгаллаб турибди. Тўртинчи ракеткамиз ҳам Литвадан маҳаллийлаштирилган Лайма Владсон - у рейтингнинг 881-поғонасида бормоқда. Янги рейтингда теннис маликаларимиз сони 9 нафарни ташкил этмоқда. 

Қолган теннисчиларимизга тўхталадиган бўлсак, Влада Якшибарова 2 поғонага кўтарилган. Милана Масленкова ва Нигина Абдураимова ўтган ҳафтадаги ўринларини сақлаб қолишди. Севиль Юлдашева 2, Диана Яковлева эса 5 поғонага пастлаган. 

Дунё теннисчиларининг Топ-10`талигида ҳам бу ҳафта ҳеч қандай ўзгариш кузатилмади. Рейтингда ҳамон беларуслик Арина Соболенко катта фарқ билан пешқадамлик қилмоқда. У 2025 йилни сайёрамизнинг биринчи ракеткаси сифатида якунлайди. Иккинчи ўриндан польшалик Ига Свёнтек жой олган бўлса, кучли учликка америкалик Коко Гофф якун ясаган. 

WTA рейтинги. 17 декабрь кунги ҳолат:

1. (1) Арина Соболенко (Беларусь) - 10870 очко

2. (2) Ига Свёнтек (Польша) - 8395

3. (3) Коко Гофф (АҚШ) - 6763

4. (4) Аманда Анисимова (АҚШ) - 6287

5. (5) Елена Рибакина (Қозоғистон) - 5850

6. (6) Жессика Пегула (АҚШ) - 5583

7. (7) Мэдисон Киз (АҚШ) - 4335

8. (8) Жасмин Паолини (Италия) - 4325

9. (9) Мирра Андреева (Россия) - 4319

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

97 (97). Камилла Раҳимова – 802

104 (104). Полина Кудерметова – 759

143 (142). Мария Тимофеева – 513

881 (879). Лайма Владсон – 30

1071 (1073). Влада Якшибарова – 16  

1197 (1197). Милана Масленкова – 11 

1278 (1276). Севиль Юлдашева – 8

1322 (1322). Нигина Абдураимова – 7  

1478 (1473). Диана Яковлева – 3