14 июл 08:50
Янгиликлар
Бокс/ММА
Хабиб Нурмагомедов: “Мейвезер билан Роналду ҳам жанг қилса бўларди”
Аралаш қоидалар бўйича россиялик машҳур спортчи Хабиб Нурмагомедов америкалик енгилмас боксчи Флойд Мейвезер ҳамда UFC чемпиони Конор Макгрегор ўртасида ўтказиладиган жанг юзасидан ўз фикрини билдирди.
“Мейвезер ва Макгргор ўртасидаги жанг бу шунчаки пиар, бу ҳамма учун тушунарли ҳолат. Очиғини айтсам, менга бу жанг қандай якунланиши унчалик ҳам қизиқ эмас.
Лекин жанг трансляциясини Конор учун ҳам томоша қиламан. Чунки у билан тўқнаш келишни жуда ҳам истаяпман. Дарвоқе, Флойдга қарши Криштиану Роналду ҳам жанг ўтказиши мумкин эди. Бу ҳам қизиқ жанг бўларди. Ушбу жанг ҳам икки томонга катта гонорар олиб келарди”, – деди Нурмагомедов.
Эслатиб ўтамиз, Флойд Мейвезер ва Конор Макгрегор ўртасидаги бокс жанги 26 август куни АҚШнинг Невада штати Лас-Вегас шаҳрида бўлиб ўтади.
Ҳавола :
Фикрлар