Хабиб Нурмагомедов UFC Президенти ёлғон гапирганини айтиб ўтди

"Дана Уайт мен ноябрда жанг ўтказишни истамаганимни айтиб ўтди. Аммо, бу ёлғон. Бундай бўлмаган. Агар рост бўлса исбот кўрсатсин. Нью-Йоркда катта турнир ташкил қилиниши режалаштирилмоқда. 7 октябрь кунги турнирда Фрэнки Эдгар - Макс Холлоуэй жанги кечанинг асосий тўқнашуви бўлиши лозим эди. Холлоуэй ўша куни жанг қилмайдиган бўлди. Жанг ўтказиш учун рақиб топилмади. Улар ўшанда менга 7 октябрь куни жанг қилишни таклиф қилгандилар. Аммо, мен ўз жавобимни бериб бўлгандим.

Тўғри, мен ташкилот учун ноқулай жангчиман. Сўнгги вақтларда жароҳатлар таъқиб қилмоқда. Охирги жангда вазнимни тўғирлай олмадим. Бу менинг айбим. Барбоза борасида эса таклиф умуман бўлмаганди", - дейди Нурмагомедов.