Халқаро Олимпия қўмитаси "McDonald's" билан ҳамкорликни тўхтатди

"McDonald's" ХОҚнинг 1976 йилдан бери ҳамкори ҳисобланарди. Томонлар 2012 йилда шартномани 8 йилга узайтиргандилар. Лекин, бугунга келиб икки томон ҳам келишувни якунлашга қарор қилдилар.

Сўнгги шартнома 100 миллион долларга имзоланганди. Ҳамкорлик тўхтатилиши сабаблари ҳозирча номаълум.

Шуни таъкидлаб ўтиш лозимки, "McDonald's" "Пхенчан-2018" ўйинларида сўнгги маротаба Олимпия қишлоғига овқатлар етказиб беради.