17 июн 19:53
Янгиликлар

Футбол

Хитой клуби Германия терма жамоаси аъзоси учун 25 миллион евро таклиф қилди

"Бавария" ярим ҳимоячиси Томас Мюллер Хитой Суперлигасида иштирок этувчи клубдан таклиф олди.

Ҳозирча номи айтилмаётган клуб 29 ёшли германиялик хавбекка йилига 25 миллион евро миқдорида маош беришга тайёр. Аммо, футболчининг ўзи келажаги борасида аниқ қарор қабул қилгани йўқ.

Мюллер мюнхенликлар шарафини 2007 йилдан бери ҳимоя қилади. Ярим ҳимоячи якунланган мавсум Бундеслигада 32та ўйинда майдонга тушиб, 6та гол ва 9та ассистга эришган.

Олдинроқ, "Барселона" футболчиси Артуро Видаль ҳам Суперлига клубидан таклиф олгани ҳақидаги хабарлар янграганди.