06 апр 12:10
Янгиликлар
Дзюдо
Яна бир ўзбек дербиси бўлади: Кемран Нуриллаев - Шарофиддин Лутфуллаев
Қирғизистон пойтахти Бишкек шаҳрида дзюдо бўйича катталар ўртасидаги Осиё-Океания чемпионатининг биринчи кунги баҳслари давом этмоқда.
-60 кг вазн тоифасидаги беллашувларда юртимиз шарафини ҳимоя қилаётган дзюдочиларимиз Кемран Нуриллаев ва Шарофиддин Лутфуллаев чорак финал учрашувида кучли рақибларига ютқазиб қўйишди.
Кемран икки карра жаҳон чемпиони, япониялик машҳур дзюдочи Наохиса Такатога, жаҳон чемпионатининг кумуш медали совриндори бўлган Шарофиддин эса кореялик Харим Лига имкониятни бой бериб қўйди. Энди ҳар икки дзюдочимиз бронза медали йўлидаги ўтиш баҳсида бир-бирлари билан татамида рўбарў келишади. Ғолиб дзюдочи кечки дастурда Осиё чемпионатининг бронза медали учун татамига чиқиш ҳуқуқини қўлга киритади.
Ҳавола :
Манба : olamsport.com
Фикрлар