Янги ўқ отиш базасида дастлабки чемпионат якунланди

Мусобақада 50 нафарга яқин спортчилар иштирок этишди. Ўзбекистон чемпионатида ўсмирлар ва катталар икки хил машқда мерганлик салоҳиятини намойиш этишди.

Натижалар. Траншеяли стендда. Эркаклар.

1- ўрин Шуҳрат Ғаниев

2- ўрин Алексей Ремнев 

3- ўрин Шерзод Мамажонов 

Ўсмирлар.

1-ўрин  Жасур Сафаров

2- место Тимур  Гафаров

3- ўрин Эрнест Сеттаров 

Думалоқ стендда: Эркаклар. 

1- ўрин Руслан Утаганов

2- ўрин Бекзод Абдураҳимов

3- ўрин Санжар Расулов

Ўсмирлар.

1- ўрин Кирилл Подгаецкий

2- ўрин Глеб Нестеренко

- Стенддан ўқ отиш спорт турига ёшлар, ҳатто қизларнинг ҳам қизиқиши ортиб бораётганига Ўзбекистон чемпионати орқали яна бир бор гувоҳ бўлдик. Иқтидорли спортчи қиз Ксения Колотило қайд этган натижа томошабин ва мутахассисларни нафақат қувонтирди, юртимиз иқтидорли спортчиларга бой эканини кўрсатди. 

Умид қиламанки, яқин йилларда стенддан ўқ отиш бўйича барча вилоятларимизда спорт секциялари иш бошлайди ҳамда ғолиблик учун курашадиган спортчилар аудиторияси кенгаяди, - деди стенддан ўқ отиш спорти бўйича терма жамоа мураббий Игорь Подгаецкий.

- Мазкур ўқ отиш базасининг қурилишидан катта мақсад кўзланган. Бу йил базанинг стенддан ўқ отиш қисмидан фойдаланишни бошладик. Бу спорт маскани тўла тўкис фойдаланишга қабул қилиб олингач қитъа миқёсидаги нуфузли мусобақаларни, хатто жаҳон чемпионати, кубоги босқичлари мезбонлиги учун даъвогарлик қилишимиз мумкин. 

Айни дамда жаҳон кубогининг ҳар бир босқичида мингдан ортиқ спортчилар иштирок этаётганини назарда тутсак, келгусида нуфузли мусобақаларга мезбонлик қилишимиз ортидан нафақат мамлакатимиз ёшлари орасида ўқ отиш спортини оммалаштиришга, балки минглаб спортчи, улар билан мураббий, шифокорлари ва бошқа делегация вакилларини юртимизга ташрифи ортидан ички туризмни ривожлантиришга ҳисса қўшган бўламиз, -деди Ўзбекистон ўқ отиш спорти федерацияси бош котиби Ж.Атабуллаев.