02 дек 13:02
Янгиликлар

Футбол

Япония. Мусаев жамоаси "Кашима Антлерс"ни чемпионликдан маҳрум қилди

Бугун Ўзбекистон терма жамоаси ярим ҳимоячиси Фозил Мусаев тўп тепадиган "Жубило Ивата" Япония чемпионатининг 34-турида "Кашима Антлерс"ни қабул қилди.

Ҳамюртимиз ўйинни асосий таркибда бошлади ва 76-дақиқада алмаштирилди. Баҳс голларсиз якунланди ва чемпионлик учун курашаётган "Кашима Антлерс" турнирда иккинчи ўринни эгаллади. Олтин медаллар учун курашаётган "Кавасаки Фронтале" сўнгги турда "Омия Ардия"ни 5:0 ҳисобида таслим этди ва тўплар нисбати ҳисобига кўра Япония чемпионига айланди.

Шу тариқа, "Жубило Ивата" мавсумни 58 очко билан 6-ўринда якунлади. Фозил Мусаев жорий мавсум Япония чемпионатининг 31та учрашувида майдонга тушиб, 4та гол урди ва ҳакамлар томонидан 4 бор огоҳлантирилди.