Йилнинг сўнгги "Мастерс" турнирига қуръа ташланди

Йилнинг сўнгги "Мастерс"ида дунёнинг 5 қитъаси 58 мамлакатидан жами 367 (194 эркак, 173 аёл) нафар дзюдочи мусобақа медаллари ҳамда Париж-2024 Олимпия ўйинларининг муҳим рейтинг очколари учун татамига чиқади. 

Улар қаторида Ўзбекистон терма жамоасининг 17 нафар аъзоси ҳам баҳсларга киришади. -73 кг вазн тоифасида бир йўла 4 нафар дзюдочимиз - Шаҳрам Аҳадов, Обидхон Номонов, Муроджон Йўлдошев ва Ҳикматуллоҳ Тўраев юртимиз шарафини ҳимоя қилади. Бироз аввал "Мастерс" мусобақасига қуръа ташлаш маросими бўлиб ўтди. 

Дзюдочиларимиз учун қуръа натижалари:

-60 кг: Дилшодбек Баратов - Дэвид Пулкрабек (Чехия)

-66 кг: Сардор Нуриллаев - Хуан Постигос (Перу)

-66 кг: Муҳриддин Тиловов - Алберто Мартин Гайтеро (Испания)

-73 кг: Шаҳрам Аҳадов - Абдул Малик Умаев (Бельгия)

-73 кг: Обидхон Номонов - Александру Райку (Руминия) 

-73 кг: Муроджон Йўлдошев - Бенжамин Габа (Франция)/Игор Вандтке (Германия)

-73 кг: Ҳикматуллоҳ Тўраев - Данияр Шамшаев (Қозоғистон)

-81 кг: Шарофиддин Болтабоев - Доминик Рессел (Германия)

-90 кг: Давлат Бобонов - Дидар Ҳамза (Қозоғистон)/Кристофер Калжулайд (Эстония)

-100 кг: Музаффарбек Тўрабоев - Онисе Санеблидзе (Грузия)

-100 кг: Отабек Тўрабоев - Кайл Рейес (Канада)

+100 кг: Алишер Юсупов - Кристиан Коновал (АҚШ)/Мартти Пуумалайнен (Финляндия)

+100 кг: Шоҳруҳхон Бахтиёров - Эней Мариник (Словения) 

Аёллар

-52 кг: Сита Кадамбоев - Анжелика Дельгадо (АҚШ) 

-52 кг: Диёра Келдиёрова - Фабьен Кочер (Швейцария)/Йерин Жанг (Ж.Корея) 

-70 кг: Гулноза Матниязова - Элизавет Телцидоу (Греция)

-70 кг: Шоҳиста Назарова - Мари-Ева Гахи (Франция)   

Ўзбекистон дзюдо федерацияси матбуот хизмати