“Зенит” таркибида ўзбекистонлик 18 ёшли футболчи пайдо бўлиши мумкин

Бу 18 ёшли футболчига Санкт-Петербургнинг “Зенит” клуби жиддий қизиқиш билдирмоқда. Бу маълумотни Россия ва Украинанинг бир нечта сайтлари ҳам тасдиқлаган.

Азизжон Ғаниев Қаршининг “Насаф” клуби футболчиси ҳисобланади. Ярим ҳимоячи жорий мавсумда “Насаф” таркибида 17та учрашувда майдонга тушди. Шулардан 11та ўйинни бошланғич таркибда бошлаган.

Ғаниев шу йили Баҳрайнда ўтган Осиё чемпионатида Ўзбекистон ёшлар (U-19) терма жамоаси таркибида 1/4 финалга қадар етиб борганди.