31 окт 17:19
Янгиликлар

Теннис

Зверев Якуний ATP чемпионатидаги иштирокини нақд қилди

Дунёнинг еттинчи ракеткаси Александр Зверев йилнинг Якуний ATP турнирида қатнашадиган бўлди.

Германиялик теннисчи Париж "Мастерс" турниридаги муваффақияти сабаб Якуний турнирдаги иштирокини кафолатлаган. Nitto ATP Finals турнири 10-17 ноябрь кунлари Буюк Британиянинг Лондон шаҳрида ўтказилади.

"Лондондаги Якуний турнирда қаторасига учинчи йил ҳам ўйнашимдан хурсандман. Ўтган мавсумда мен Лондондаги турнирда зафар қучгандим. Ўша мусобақадан ажойиб таассуротлар қолган", - дея Зверевнинг сўзларидан иқтибос келтирмоқда АТР матбуот хизмати.

Эслатиб ўтамиз, Зверевга қадар дунёнинг саккиз нафар энг кучли теннисчиси қатнашадиган Nitto ATP Finals турниридаги иштирокларини Рафаэль Надаль, Новак Жокович, Рожер Федерер, Даниил Медведев, Доминик Тим ва Стефанос Циципаслар кафолатлашган эди.