Australian Open. 326 дақиқа давом этган Алькараз - Зверев учрашувида илк финалчи аниқланди

Бугун эркаклар ўртасидаги баҳсларда ярим финаллар ўтказилмоқда. Илк ярим финалда дунёнинг биринчи ракеткаси, испаниялик Карлос Алькараз учинчи ракетка, германиялик Александр Зверевга қарши кортга чиқди.

Ҳозиргина якунига етган ва 5 соату 26 дақиқа давом этган драматик учрашувда Карлос Алькараз 6/4, 7/6(5), 6/7(3), 6/7(4), 7/5 ҳисобларида ғалаба қозониб, ҳал қилувчи финалга йўл олди. Учрашувда Карлос 12, Александр 17 та эйс зарбасини амалга оширган. Қўшхатолар Алькаразда кўпроқ бўлди - 5 га 4. 

Энди у финалда Новак Жокович - Янник Синнер учрашуви ғолибига қарши кортга чиқади. Финал ўйини якшанба, 1 февраль куни ўтказилади.