Australian Open'ning ayollar o'rtasidagi bahslariga qura tashlandi

Unga ko'ra, sayyoramizning birinchi raketkasi polshalik Iga Svyontek turnir startida germaniyalik Juli Nimayer bilan uchrashadi. Amerikalik Jessika Pegula (3) esa ruminiyalik  Jaklin Kristian bilan kuch sinashadi.

Ikkinchi raqam ostida saralangan tunislik Ons Jaber ikkinchi bosqichga chiqish uchun sloveniyalik Tamara Zidansek bilan bellashadi. To'rtinchi raqam ostida tasniflangan franciyalik Karolin Garciyaning raqibi saralash bosqichidan o'tgan tennischi bo'ladi.

Qura tashlash marosimining to'liq jadvali bilan shu erda tanishib olishingiz mumkin.

Eslatib o'tamiz, ushbu nufuzli musobaqada mamlakatimiz vakillari ishtirok etmaydi. Kecha birinchi raketkamiz Nigina Abduraimova turnirning saralash bahslari 2-bosqichida yutqazib qo'yib, asosiy to'rga chiqish imkoniyatini boy berdi.