Bugun "Humo" "Almati"ga qarshi ilk uy o'yinini o'tkazadi, uchrashuvdagi g'alaba "qanotlilar"ni ikkinchi o'ringa olib chiqishi mumkin

Uchrashuv soat 19:00da poytaxtimizdagi "Humo Arena"da boshlanadi. Jamoalar o'rtasida oktyabr oyida o'tkazilgan ikki bahsning har ikkisida "Humo" g'alaba qozongan edi. 

Bugungi uchrashuvdagi g'alaba orqali vakillarimiz musobaqa jadvalida ikkinchi o'rindagi "Nomad"dan o'zib ketishlari mumkin. SHuningdek, mazkur uchrashuv pley-offdan avval muntazam chempionat doirasidagi Toshkentda o'tkazilayotgan so'nggi o'yinlardan biri bo'ladi.

Ertaga 24 yanvar kuni bo'lib o'tadigan ikkinchi o'yin esa muntazam chempionat doirasida Toshkentdagi so'nggisi bo'ladi, va o'yin yakunida jamoa va muxlislar o'rtasida xayriya tadbiri tashkil etiladi.