Bugun "Humo" "Nomad"ga qarshi final seriyasidagi ikkinchi o'yinini o'tkazadi

Xokkey bo'yicha Toshkentning "Humo" jamoasi bugun Qozog'iston Ochiq chempionati final bosqichi doirasida "Nomad"ga qarshi ikkinchi uy o'yinida muzga chiqadi.

"Qanotlilar"ning bugungi uchrashuvi soat 19:00 da, poytaxtimizdagi "Humo Arena"da boshlanadi.

Kecha jamoamiz ilk o'yinda 0:2 hisobida ortda borayotib, 3:2 hisobida overtaymda g'alabani o'z tomoniga og'dira olgan edi. Final doirasidagi o'yinlar seriyasi to'rttadan ettitagacha davom etishi mumkin.

"Humo"ning bugungi uchrashuvi YouTube platformasidagi InSportTV kanali orqali translyaciya qilinadi.