So’nggi yangiliklar

19:03Оливейра: "Топурия — мен жанг қилганлар орасида энг қаттиқ зарба берувчи спортчи" 0 18:39"Ундан рекордидаги нолни олиб қўймоқчиман". Волкановски Евлоев билан жангга тайёр 0 18:18ФИФА рейтинги янгиланди: Ўзбекистон 55-ўринга кўтарилди 0 17:51Пимблетт нима учун Топурия билан жангга лойиқ эканлигини айтди ва Махачевни мисол келтирди 0 17:24Топурия Хабиб Нурмагомедовнинг рекордини янгилади 0 17:01Бен Аскрен: "Тўрт марта ўлимдан қолдим" 0 16:38Алонсо Родригонинг захирада қолиб кетаётгани ҳақида: "Гап келажак ҳақида эмас, тактикада" 0 16:16Макс Холлоуэй қандай ҳолатда Топуриянинг навбатдаги рақиби бўлиши мумкинлигини айтди 0 15:53"Ҳумо" Pro Hokei Ligasy навбатдаги мавсумини ўтказиб юборади 0 15:26Усик Дюбуа билан жангга оз қолганда қандай ҳолатда эканлигини кўрсатди (ФОТО) 0 15:02Симоне Индзаги "Ал Ҳилол"да тўрт нафар футболчидан қутилмоқчи 0 14:41Волкановски: "Қўлқопларимни яқин орада михга иламан" 0 14:20Оғир атлетикачиларимиздан ёшлар ўртасидаги Осиё чемпионатида навбатдаги 16 та медаль! 0 13:59Одилхон Alash Pride'да жанг қилади 1 13:38Трамп Клублар ўртасидаги ЖЧ финалига келади 0

21 sen 07:44
Yangiliklar

Suv sporti turlari

Cuv polosi. Namanganda O'zbekiston chempionati boshlandi FOTOGALEREYA

Teglar :  Suv polosiNamangan
Namangan shahrida suv polosi bo'yicha mamlakat chempionati bahslariga start berildi.

Qariyib bir hafta davom etadigan mazkur musobaqada 8 ta erkaklar va 6 ta ayollar jamoalari sovrinli o'rinlar uchun kurash olib boradilar. Agarda ayollar jamoalari bir guruhda o'zaro kuch sinashsalar, erkaklar o'rtasidagi musobaqalar 2 ta guruhda olib boriladi.

Mamlakat chempionati bahslari ayollar o'rtasidagi uchrashuvlar bilan boshlandi. Dastlab suzish havzasiga Xorazm viloyati va Toshkent shahri jamoalari tushdilar. Poytaxtlik vaterpolchilarning to'liq ustunligida o'tgan o'yin yirik 29:1 hisobida Toshkent shahri jamoasining g'alabasi bilan yakun topdi.

Namangan shahri va Namangan viloyati ixtisoslashtirilgan bolalar va o'smirlar sport maktabi jamoalari o'rtasidagi baxsda ham sezilarli ustunlikka ega bo'lgan Namangan shahri jamoasining 22:1 hisobida qo'li baland keldi.

Namangan viloyat hamda Respublika suzish federaciyasi terma jamoalari o'rtasidagi baxs esa 16:0 hisobida mezbonlarning foydasiga hal bo'ldi.

Ayollar o'rtasidagi birinchi tur o'yinlari yakuniga etgach, O'zbekiston chempionatining ochilishiga bag'ishlangan tadbir bo'lib o'tdi. Haqiqiy bayramona ruhda tashkil etilgan ochilish tantanalarida so'zga chiqqanlar mamlakatimizda sportga, xususan suv polosiga Davlatimiz va xukumatimiz tomonidan qaratilayotgan etibor, yaratilayotgan sharoitlar haqida atroflicha to'xtalib, barcha ishtirokchi jamoalarga bo'lajak bellashuvlarda omad va zafarlar tilashdi.

O'zbekiston chempionatining ochilish marosimida Xalqaro va Evropa suzish federaciyalarining suv polosi bo'yicha texnik qo'mitalari azosi, Rossiya suzish federaciyasining birinchi vice-prezidenti, Olimpiya o'yinlari g'olibi Evgeniy SHaronov faxrli mehmon sifatida ishtirok etib, barcha jamoalarni musobaqalarni boshlanishi bilan qutladi.

Kunning ikkinchi yarmida erkaklar jamoalari o'rtasida dastlabki tur o'yinlari o'tkazildi. 

Dastlab, “A” guruhi vakillari Namangan viloyati hamda Respublika suzish federaciyasi jamoalari o'zaro kuch sinashdilar. Ushbu uchrashuvda mezbonlar raqib darvozasiga javobsiz 16 ta gol kiritishdi va guruh peshqadami bo'lib oldilar. 

Ushbu guruhda bo'lib o'tgan ikkinchi uchrashuvda Respublika oliy sport mahorati maktabi jamoasi Farg'ona shahri jamoani 10:0 hisobida mag'lub etdi.

“V” guruhida o'tkazilgan uchrashuvlar “A” guruhida bo'lib o'tgan o'yinlarga qaraganda gollarga boy bo'ldi. Agarda dastlabki ikki uchrashuvda darvozalarga jami 26 ta to'p kiritilgan bo'lsa, “V” guruhidagi baxslarda 40 ta gol darvoza to'ridan joy egalladi.

Xususan, Toshkent shahri va Namangan viloyati ixtisoslashtirilgan bolalar va o'smirlar sport maktabi jamoalari bahsi 16:7 hisobida mezbonlar g'alabasi bilan yakunlandi. Namanganning “Yoshlik” va Namangan shahri jamoalari qarama-qarshiligida esa Namangan shahri jamoasining 16:1 hisobida qo'llari baland keldi.

Birinchi tur o'yinlari yakuniga etgach, shu erning o'zida matbuot anjumani  tashkil etildi. Unda O'zbekiston suzish federaciyasi rahbariyati va mamlakatimizda mehmon bo'lib turgan Evgeniy SHaronov jurnalistlarning qiziqtirgan barcha savollariga atroflicha jamoa berdilar.

SHundan so'ng, rossiyalik mehmon mamlakatimiz sportchi va murabbiylariga mahorat saboqlarini o'tadi. 

SHu tariqa, suv polosi bo'yicha O'zbekiston chempionatining birinchi kungi dasturdan o'rin olgan barcha musobaqa va tadbirlar yakuniga etdi. Eslatib o'tamiz, mamlakat chempionati baxslari 25 sentyabrga qadar davom etadi.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing