Esports World Cup. Abdusattorov ikki muhim g'alaba, uni Magnus kutmoqda!

Turnir kibersport bo'yicha 2026 yilgi Jahon kubogi (Esports World Cup) uchun saralash vazifasini bajarib bermoqda. Musobaqada dunyoning kuchli shaxmatchilari keyingi bosqichlarga yo'llanma hamda katta mukofot jamg'armasi uchun kurash olib borishyapti. Eng yaxshi uch shaxmatchi Esports World Cup 2026 musobaqasiga yo'llanma oladi. 

"Nomzodlar turniri" g'olibi Javohir Sindarov saralash bosqichidagi mag'lubiyatlari sabab musobaqadagi ishtirokini erta yakunlagandi. Nodirbek Abdusattorov esa 1/8 finalda AQSH vakili Samuel Sevianni 3:0 hisobida taslim etdi. 1/4 finalda esa FIDE bayrog'i ostida harakat qilayotgan rus shaxmatchisi Denis Lazovikka qo'shimcha partiyada 2:3 hisobida yutqazib qo'ydi. 

Mag'lublar yo'lidagi turnirda o'z omadini sinab ko'rayotgangan Nodirbek ikkinchi bosqichda rossiyalik Yan Nepomnyashiyni 1,5:0,5 hisobida mag'lubiyatga uchratdi. Uchinchi davrada Sindarovni musobaqadan chiqarib yuborgan franciyalik Maksim Vashe-Lagravni ham 1,5:0,5 hisobida engdi. 

Bugun Abdusattorov Mag'lublar yo'li 1/4 finalida hindistonlik Nihal Saringa qarshi dona suradi. Nodirbek Mag'lublar yo'lida g'alaba qozonsa, finalda norvegiyalik afsona Magnus Karlsenga qarshi bosh sovrin uchun dona surish imkoniyatini qo'lga kiritadi. Magnus G'oliblar yo'lagi 1/2 finalida FIDE bayrog'i ostida o'ynayotgan rossiyalik Denis Lazovikdan, finalda esa polshalik Yan-Krishtoff Dudadan ustun keldi. 

Magnus Karlsen GRAND FINAL bahsi uchun o'z raqibini kutmoqda. Nodirbek Abdusattorovning GRAND FINAL uchrashuvida Karlsen bilan uchrashishi uchun uch raqib to'sig'idan o'tishi talab etiladi.