Iqboljon Xoldarov ishtirokidagi jang muddatidan avval yakuniga etdi

Super yarim o'rta vazn toifasidagi prof bokschimiz Iqboljon Xoldarovning Mariel Bustamantega qarshi jangi muddatidan avval tugadi. 6 raundga mo'ljallangan bahs 3-raundda hakam tomonidan to'xtatildi.  

Bu orqali Iqboljon prof ringdagi to'rtinchi jangida to'rtinchi g'alabasiga erishdi. Bustamente esa faoliyatidagi ilk mag'lubiyatni qabul qilib oldi. Raqib bungacha 8 marta jang o'tkazib, ularning 7 tasida g'alaba qozongandi (6 ta nokaut). 1 ta jang esa durang bilan tugagandi.