Istomin Nontaburi turniri saralashida kutilgan natijani qayd etdi

Sovrin jamg'armasi 37,520 dollarni tashkil etuvchi ushbu "Nonthaburi 2 Challenger 50" musobaqasida ikki hamyurtimizning ham o'z omadini sinab ko'rishi haqida xabar bergan edik. Biroz avval Denis Istomin saralash uchrashuvida franciyalik Timo Leguga qarshi kortga chiqdi. 

Afsuski, ettinchi raqam ostida saralangan hamyurtimiz 98 daqiqa davom etgan uchrashuvda ATP reytingining 498-pog'onasida borayotgan raqibiga ikki setda ham bir xil 4/6 hisobida imkoniyatni boy berib qo'ydi. Istomin dunyoning 430-raketkasi bo'lib turibdi.    

Eslatib o'tamiz, mamlakatimizning birinchi raketkasi Sergey Fomin to'g'ridan-to'g'ri asosiy to'rdan kurashga qo'shiladi. U ertaga o'tkaziladigan 1/16 final uchrashuvida braziliyalik Gabriel Dekampga qarshi bahs olib boradi.