04 avg 15:01
Yangiliklar

Sport kurashlari

Javrail SHapiev ham bronza medali uchun kurashadi

Tokio-2020 Olimpiadasi dasturidan o'rin olgan erkin kurash musobaqasi o'zining hal qiluvchi pallasiga kirib boryapti.

-86 kg vazn toifasidagi biz uchun muhim bo'lgan yarim finalda eronlik Hassan Yazdani rossiyalik Artur Nayfonovni 7-1 hisobida mag'lubiyatga uchratib, finalga yo'l oldi. Bu esa o'z o'rnida hamyurtimiz Javrail SHapievga bronza medali uchun kurashish imkoniyatini taqdim etdi.

SHapiev 1/8 finalda aynan Yazdaniga 2-11 hisobida yutqazib qo'ygan edi. Ertaga o'tkaziladigan o'tish bahsida Javrail shveycariyalik Stefan Reychmutga qarshi gilamga chiqadi. Ushbu bellashuvdagi g'alaba esa kurashchilardan birini Olimpiada bronza medali uchun kechadigan uchrashuv uchun yo'l ochadi.