Kasatkina hal qiluvchi tay-breykda yutqazdi va guruhda qolib ketdi

Guruh bosqichining uchinchi turida dunyoning sakkizinchi raketkasi bo'lib turgan rossiyalik Darya Kasatkina reytingda o'zidan ikki pog'ona yuqorida borayotgan franciyalik Karolin Garsiyaga 6/4, 1/6, 6/7(5) hisobida imkoniyatni boy berib qo'ydi.

SHu tariqa, Kasatkina yarim final yo'llanmasini qo'lga kirita olmadi. Tennischilarning o'zaro uchrashuvlarida Garsiya hisobda oldinga chiqib oldi - 2:1. Roppa-rosa ikki yarim soat davom etgan bahsda Kasatkina 1, Garsiya esa 4 ta eys zarbasini amalga oshirdi. Daryada qo'shxatolar 8 tani tashkil etdi. 

Guruh bosqichi yakuniga ko'ra Karolin Garsiya 2 g'alaba va 1 mag'lubiyat bilan Treysi Ostin kvartetida ikkinchi o'rinni egalladi. Endi u 1/2 finalda ikkinchi guruh g'olibi greciyalik Mariya Sakkariga qarshi kortga chiqadi.