27 jan 15:32
Yangiliklar

O'q otish

Merganlarimiz Jahon kubogi bosqichiga yo'l olishdi

28 yanvar – 7 fevral kunlari Indoneziya poytaxti Jakarta shahrida o'q otish bo'yicha Jahon kubogi bosqichi bo'lib o'tadi.

Unda O'zbekiston terma jamoasi vakillari ham g'oliblik uchun kurash olib borishadi. Musobaqada qatnashadigan hamyurtlarimiz Indoneziyaga yo'l olishdi.

Terma jamoamiz Parij-2024 Olimpiadasi yo'lida qimmatli reyting ochkolarini taqdim qiladigan mazkur bosqichda quyidagi yo'nalishlarda ishtirok etadi.

10 metrga pnevmatik miltiqdan otish: Vadim Skorovarov, Javohir Sohibov, Muxtasar Tohirova.

10 metrga pnevmatik to'pponchadan otish: Muhammad Kamalov, Vladimir Svechnikov, Ilhombek Obidjonov, Sitora Ergashboeva, Nigina Saidqulova, Alina Tarasova.