Murodjon Yo'ldoshev Boku "Katta Dubulg'a" 1/2 finalida

Quvonarlisi, -73 kg vazn toifasida yurtimiz sharafini himoya qilayotgan Murodjon Yo'ldoshev yarim final yo'llanmasini qo'lga kiritdi. Hamyurtimiz chorak final bellashuvida yoshlar o'rtasida jahon chempioni, kattalarda jahon chempionatining kumush medali sovrindori, italiyalik Manuel Lombardoni mag'lubiyatga uchratdi. 

Murodjon ikkinchi davrada polshalik Adam Stodolski, uchinchi bosqichda qozog'istonlik Daniyar SHamshaevdan ustun kelgan edi. Birozdan so'ng u final yo'llanmasi uchun kanadalik Artur Margelidonga qarshi tatamiga chiqadi. Artur chorak finalda gruziyalik Olimpiada chempioni Lasha SHavdatuashvilini mag'lub etishni uddaladi. 

Afsuski, bugun kurashga kirishgan qolgan dzyudochilarimiz mag'lubiyatga uchrab, musobaqadagi ishtiroklarini erta yakunlashdi.