Muxtorxon Tashxodjaev Osiyo Paralimpiya Qo'mitasi vice-prezidenti!

Unda Qo'mitaga azo 44 davlat vakillari ishtirok etyapti. Assambleya davomida 2019 yil Dubaydagi Bosh Assambleya protokolini qabul qilish, uning vazifalarni ko'rib chiqish, azolikka qabul qilish va chiqish masalalarini ko'rish, ikki yilik hisobot, strategik reja, 2018-2020 yillardagi moliyaviy auditorlik hisobotlar tekshiruvi, 2021 yil hisoboti, 2022 yilgi byudjet, azolik badal pullari, Nizomga o'zgarish va qo'shimchalar kiritish kabi masalalar muhokama qilinyapti. Assambleya ertaga ham o'z ishini davom ettiradi.

Biz uchun ahamiyatlisi, O'zbekiston Milliy Paralimpiya qo'mitasi raisi Muxtorxon Tashxodjaev Assambleya doirasida Osiyo Paralimpiya Qo'mitasi vice-prezidenti lavozimiga saylandi.  

Sir emas, O'zbekiston va Xalqaro Paralimpiya qo'mitalari o'rtasida keng qamrovdagi hamkorlik yo'lga qo'yilgan. SHu yil sentyabr oyida Xalqaro Paralimpiya qo'mitasi prezidenti Endryu Parsons aynan Muxtorxon Tashxodjaev taklifiga binoan yurtimizga tashrif buyurgandi.