Nadal 4-o'ringa ko'tarilgan ATR reytingida Sultonov 47 pog'ona yuqoriladi

Yangilangan reytingning Top-10 ligida bir qator o'zgarishlar kuzatildi. 14-bor "Rolan Garros" chempionligini qo'lga kiritgan ispaniyalik Rafael Nadal 1 pog'ona yuqorilab, 4-o'ringa joylashdi. Turnir finalchisi norvegiyalik Kasper Ruud esa 2 o'rin yuqorilab, 6-pog'onaga ko'tarilib oldi. 

Greciyalik Stefanos Cicipas, ispaniyalik Karlos Alkaraz va rossiyalik Andrey Rublyov o'z o'rinlaridan 1 pog'onaga paslashdi. Reytingni hamon serbiyalik Novak Jokovich boshqarib bormoqda.  

Mamlakatimizning birinchi raketkasi Denis Istomin ATR reytingida o'z o'rnidan 10 pog'ona pastlab, 320-o'ringa joylashgan bo'lsa, Humoyun Sultonov ajoyib yuqorilashga erishdi. 47 o'rin ko'tarilgan Sultonov 382-pog'onani egallab, yana mamlakatimizning 2-raketkasiga aylanib oldi. Sanjar Fayziev va Sergey Fomin esa bu hafta 5 pog'onadan pastlashdi. 

ATP reytingi. Top-10. 2022 yil 6 iyun holatiga ko'ra:

1 (1)  Novak Jokovich (Serbiya) - 8770

2 (2)  Daniil Medvedev (Rossiya) - 8160

3 (3)  Aleksandr Zverev (Germaniya) - 7795

4 (5)  Rafael Nadal (Ispaniya) - 7525

5 (4)  Stefanos Cicipas (Greciya) - 6100

6 (8)  Kasper Ruud (Norvegiya) - 5050

7 (6)  Karlos Alkaras (Ispaniya) - 5005

8 (7)  Andrey Rublev (Rossiya) - 4260

9 (9)  Feliks Oje-Alyassim (Kanada) - 3955

10 (10)  Matteo Berrettini (Italiya) - 3805

O'zbekistonlik tennischilarning ATR reytingidagi o'rni:

320 (310). Denis Istomin - 157

382 (429). Humoyun Sultonov - 113

408 (413). Sergey Fomin - 102

675 (680). Sanjar Fayziev - 33

1154 (1160). Saidalo Saidkarimov - 6

1201 (1206) Jo'rabek Karimov - 5

1287 (1287) Maksim SHin - 4

1640 (1644) Olimjon Nabiev - 2

1816 (1815) SHonig'matjon SHofayziev - 1