Ot sport turlari bo'yicha uch tomonlama Memorandum imzolandi

Ushbu Memorandum ot sportini yanada takomillashtirishda o'quv-mashg'ulotlarini, ilmiy-uslubiy va innovacion texnologiyalarni joriy etish maqsadida imzolandi. 

Tadbirda bir vaqtning o'zida 3 ta sport federaciyasiga rahbarlik qilayotgan Bahrom Gaziev, O'zbekiston Respublikasi Milliy gvardiyasi ot sporti bo'yicha Respublika oliy sport mahorati maktabi direktori Nodirbek Ibragimov, O'zbekiston davlat jismoniy tarbiya va sport universiteti prorektori Kamil Bayazitov, Jismoniy tarbiya va sport ilmiy tadqiqotlar instituti direktori Rashid Matkarimov hamda OAVlari vakillari ishtirok etdi.

Mazkur Memorandum mamlakatimizda ot sportini yanada rivojlantirish, yuqori mahoratli sportchilar va kadrlar tayyorlash tizimini takomillashtirish, xususan, O'zbekiston Respublikasi Prezidentining 2020 yil 3 noyabrdagi “Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to'g'risida”gi PQ-4877-son, 2021 yil 11 martdagi “Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish bo'yicha qo'shimcha chora-tadbirlar to'g'risida”gi PQ-5024-son hamda 2021 yil 5 avgustdagi “O'zbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturi to'g'risida”gi PQ-5211-son qarorlari ijrosini taminlash, shuningdek, bevosita milliy terma jamoalar bilan ishlash, o'quv-mashg'ulotlarni ilmiy asosda tashkil qilish va trenerlar malakasini oshirish, O'zbekiston davlat jismoniy tarbiya va sport universitetining ot sporti ixtisosligi bo'yicha talim olayotgan talabalarni istiqbolda yuqori malakali kadr etib tayyorlash, iqtidorli talabalar, professor-o'qituvchilar va ilmiy izlanishlar olib borayotgan yosh olimlarni dolzarb muammolar echimiga yo'naltirilgan mavzular asosida ilmiy tadqiqotlar o'tkazishda federaciya bilan hamkorlik qilish maqsadida tuzildi.

“Ushbu hamkorlik doirasida professor-o'qituvchilar, ilmiy xodimlar va talabalarning tajriba almashishlarini, ilmiy amaliyotlarini va ularning federaciyalar muammolarini chuqur tahlil qilishlarini tashkil etish bilan bog'liq chora-tadbirlarni amalga oshirish, bitiruvchi talabalarni bitiruv oldi amaliyot, ishga yo'llash masalalarining o'zaro manfaatli shakllarini ishlab chiqish ko'zda tutilmoqda” - deydi Jismoniy tarbiya va sport ilmiy tadqiqotlar instituti direktori, professor R.Matkarimov.

Tadbirda takidlanganidek, o'zaro manfaatli hamkorlikda ot sporti, polo va zamonaviy beshkurash bo'yicha o'tkaziladigan ilmiy va amaliy seminarlar, konferenciyalar, fundamental va amaliy tadqiqotlar, ilmiy loyihalar, shuningdek, nashrga tayyorlanadigan o'quv adabiyotlari, video materiallar albatta kelajakda o'z ijobiy natijasini ko'rsatadi.

Malumot uchun: Ayni paytda Universitetda ot sporti talim yo'nalishi bo'yicha 117 nafar talaba tahsil olmoqda. Talabalarning 17 nafari ot sporti bo'yicha terma jamoa azosi hisoblanadi.