04 may 15:32
Yangiliklar
Boks/MMA
Qozog'istonda ikkinchi mag'lubiyat, Abdullaev nimchorak finaldagi raqibi nomini bilib oldi
Toshkentda o'tkazilayotgan boks bo'yicha kattalar o'rtasidagi jahon chempionatining to'rtinchi kuni davom etmoqda.
Biroz oldin -63,5 kg vaznda yana bir jang yakunlandi. Unda qozog'istonlik Sanatali Toltabaev Mavritaniya vakili Luis Kolinga qarshi ringga chiqib, hakamlar qarori (5:2) bilan mag'lub bo'ldi. Bu Qozog'iston uchun mazkur jahon chempionatidagi ikkinchi mag'lubiyat bo'ldi. Luis Kolin esa bugungi g'alabasi orqali nimchorak final masalasini hal etdi.
Ahamiyatlisi, Kolin keyingi bosqichda O'zbekiston vakili Ruslan Abdullaev bilan to'qnash keladi.
Abdullaev biroz avval 1/16 final doirasida ispaniyalik Oer Ibarracheni taslim etgan edi.
Havola :
Manba : olamsport.com
Fikrlar