US Open. Feliks Oje 1/2 finalga chiqdi

AQSH Ochiq chempionatining 1/4 finalida kanadalik tennischi Feliks Oje ispaniyalik Karlos Alkarazga qarshi kortga chiqdi. Uchrashuv Oje foydasiga  6/3, 3/1 hisobida xal bo'layotganda Karlos Alkaraz o'yinni davom ettirolmasligini bildirdi. Karlosning bu qarorga kelishiga jarohati sabab bo'lgan. SHu tariqa Oje US Open'ning navbatdagi yarim finalchisiga aylandi.  

Tennischilar kortda 1 soatu 9 daqiqa davomida harakat qilishdi. Jahonning 15-raketkasi 21 yoshli Feliks sakkiz eysni amalga oshirib, to'rt marta qo'shxatoga yo'l qo'ydi. ATP reytingida 55-o'rinni egallab turgan 18 yoshli Alkaraz esa bittadan eys va qo'shxatoni qayd etdi. Bu tennischilarning o'zaro o'tkazgan ilk uchrashuvi edi.

Turnirning 1/2 finalida Oje rossiyalik Daniil Medvedev bilan to'qnash keladi.