17 noy 08:01
Yangiliklar

Tennis

Yakuniy ATP turniri. Medvedevda ikkinchi g'alaba va u muddatidan avval 1/2 finalda!

Italiyaning Turin shahrida tennis bo'yicha reytingi baland sakkiz nafar raketka ustalari ishtirokidagi ATP Yakuniy turniri davom etmoqda.

Dunyoning ikkinchi raketkasi bo'lib turgan Daniil Medvedev muddatidan avval yarim final yo'llanmasini qo'lga kiritdi. Rossiyalik tennischi ikkinchi uchrashuvida reytingda o'zidan bir pog'onada pastda turgan germaniyalik Aleksandr Zverevni 6/3, 6/7(3), 7/6(6) hisoblarida mag'lub etdi.

Ikki soatu 35 daqiqa davom etgan bahsda 25 yoshli Medvedev 14 ta, 24 yashar Zverev esa 18 ta eys zarbasini ijro etdi. Tennischilarning o'zaro uchrashuvlaridagi hisob muvozanati tiklandi - 5:5.