18 yoshida Olimpiadada ishtirok etgan Abbos Rahmonovni tabriklaymiz!

Abbos Rahmonov 1998 yil 7 iyul kuni Navoiy viloyatining Xatirchi tumanida tavallud topgan. Murabbiyi - O'zbekiston Respublikasida xizmat ko'rsatgan sport ustozi Latif Xalimov. Respublika olimpiya zaxiralari kollejida erkin kurash sir-asrorlarini o'rgangan. O'zbekiston davlat jismoniy tarbiya va sport universiteti talabasi. 

Abbos Rahmonov Braziliyada o'tgan Rio-2016 Olimpiadasida ishtirok etgan. Bu bilan u 18 yoshida Olimpiya o'yinlarida qatnashgan o'zbekistonlik eng yosh erkin kurashchiga aylangan. Rahmonov Osiyo chempioni, qator xalqaro musobaqalar g'olib va sovrindori hisoblanadi. 2019 yil Qozog'istonning Nur-Sultan shahrida o'tgan jahon chempionatida kuchli beshlikka kirgan. 

Fursatdan foydalanib, Abbos Rahmonovni bugungi tavallud ayyomi bilan muborakbod etamiz.