18 yoshida Olimpiadada qatnashgan Rahmonovni tabriklaymiz!

Abbos Rahmonov 1998 yil 7 iyul kuni Navoiy viloyatining Xatirchi tumanida tavallud topgan. Murabbiyi - O'zbekiston Respublikasida xizmat ko'rsatgan murabbiy Latif Xalimov. Respublika olimpiya zahiralari ixtisoslashtirilgan maktab-internatida erkin kurash sir-asrorlarini o'rgangan. Hozirda O'zbekiston Jismoniy tarbiya va sport universiteti talabasi. 

Abbos Rahmonov Rio-de-Janeyroda o'tgan Rio-2016 Olimpiadasida ishtirok etgan. Bu bilan u 18 yoshida Olimpiya o'yinlarida qatnashgan o'zbekistonlik eng yosh erkin kurashchiga aylangan. Rahmonov Osiyo chempioni, qator xalqaro musobaqalar g'olib va sovrindori hisoblanadi. O'tgan yili Nur-Sultonda o'tgan jahon chempionatida kuchli beshlikka kirgan. 

Fursatdan foydalanib, Abbos Rahmonovni bugungi tavallud ayyomi bilan muborakbod etamiz.