19 yilda ilk bor na Jokovich va na Nadal Rim "Masters" finalida o'ynamaydi

Xabar berganimizdek, dunyoning birinchi raketkasi Novak Jokovich musobaqaning 1/4 finalida daniyalik Xolger Runega 2/6, 6/4, 2/6 hisoblarida imkoniyatni boy berib qo'ygandi. Aynan Novak Rim "Masters"ning amaldagi chempioni edi.  

SHu tariqa, Italiya poytaxtida yangi chempion aniqlanadi. Faoliyatini davom ettirayotgan tennischilar orasidan Rimda Jokovich (olti marta chempion), Rafael Nadal (10 marta chempion, bu yil qatnashmadi), Aleksandr Zverev (bir marta chempion, bu yil 1/8 finalda yutqazdi) va Endi Marrey (bir marta chempion, 1-davradayoq yutqazdi) kamida bir marta chempion bo'la olgan.

Takidlash joiz, qatorasiga 18 yil davomida (2005 yildan beri) finalgacha yuqorida nomlari tilga olingan chempionlardan hech bo'lmaganda bir nafari etib kelgandi.