2021 yilda ko'rishguncha! Bu yilgi xalqaro mavsum tugadi

Bunga butun dunyodagi pandemik vaziyat sabab bo'lmoqda. Oktyabr oyi oxirida Vengriyada restartdan keyingi ilk - Budapesht "Katta Dubulg'a" turniri muvaffaqiyatli tarzda o'tkazilgan edi. SHundan so'ng IJF yil oxirigacha hech bo'lmaganda bitta jahon dzyudo musobaqasi - Xorvatiya poytaxtida tashkil etiladigan Zagreb Gran-prisini o'tkazishga umid bog'lagandi. 

Afsuski, koronavirus infekciyasi sabab dunyoning aksariyat mamlakatlarida yuzaga kelgan pandemik inqiroz tobora kuchayib bormoqda. Buning natijasida ko'plab davlatlar Sovid-19 virusining tarqalishini oldini olish, to'xtatish uchun qatiy choralarni qo'llashga majbur bo'lmoqda. Ayrim mamlakatlarda musobaqa tugul, mashg'ulot o'tkazishga ham sharoit yo'q, yani sport zallari yopilgan. SHu omillarni inobatga olgan holda IJF bu yil boshqa xalqaro masshtabdagi musobaqalarni o'tkazmaslikka qaror qildi. 

Xalqaro dzyudo federaciyasi endi 2021 yilning ilk musobaqasi - yanvar oyida Dohada o'tkazilishi rejalashtirilayotgan Qatar "Masters" musobaqasining o'tkazilishidan umidvor.