Abbosxon Yo'ldoshev ishtirokidagi markaziy jang birinchi raunddayoq yakunlandi

Ali Boxing promouterlik kompaniyasi tomonidan "Quruvchilar kuni"ga bag'ishlab "Hokim sovrini" uchun tashkil etilgan boks oqshomidan bir-biridan qiziqarli janglar o'rin olgandi. 

Kechaning markaziy jangida qo'qonlik Abbosxon Yo'ldoshev tojikistonlik Ramazan Tabarovga qarshi ringga ko'tarildi. Jangning birinchi raundidayoq Abbosxon raqibini texnik nokautga uchratib, g'alaba qozondi. Kuchli zarbalarni o'tkazib yuborgan Tabarov jangni davom ettira olmasligini malum qildi.

Jang yakunlanganidan so'ng O'zbekiston professional boks federaciyasi raisi o'rinbosari G'ofur Rahimov Abbosxon Yo'ldoshevni chiroyli g'alaba bilan tabrikladi.