09 sen 10:48
Yangiliklar

Tennis

Abduraimova Avstriya turniri 1/4 finalida mag'lub etildi

Avstriyaning Vena shahrida o'tkazilayotgan tennis bo'yicha W 60 toifasiga kiruvchi turnir o'z yakuni sari yaqinlashmoqda.

Ushbu musobaqada mamlakatimizning birinchi raketkasi Nigina Abduraimova ham muvaffaqiyatli ishtirok etayotgandi. Afsuski, turnirda uchinchi raqam ostida tasniflangan tennischimiz 2 soatu 35 daqiqa davom etgan 1/4 finalda ruminiyalik Miryam Bulgaruga 4/6, 6/4, 4/6 hisoblarida yutqazib qo'ydi.

Taqqoslash uchun, Nigina Abduraimova jahon reytingida 194, Bulgaru esa 219-o'rinni egallab turibdi. Bugun Bulgaru final chiptasi uchun WTA reytingida 444-pog'onada borayotgan sloveniyalik Polona Xercogga qarshi kortga chiqadi.