Abduraimova dunyoning 50-raketkasiga faqat bitta set qarshilik ko'rsatdi

Mukofot jamg'armasi 125 ming dollarni tashkil etuvchi ushbu musobaqada hamyurtimiz Nigina Abduraimova ham muvaffaqiyatli start olgan edi. Afsuski, hozirgina yakuniga etgan 1/8 final uchrashuvida mamlakatimizning birinchi raketkasi kuchli raqibasiga yutqazib qo'ydi. 

Etmish daqiqa davom etgan bahsda dunyoning roppa-rosa 50-raketkasi, turnirda ikkinchi raqam ostida tasniflangan rossiyalik Anna Blinkova 6/4, 6/0 hisobida g'alaba qozonib, chorak finalga yo'l oldi. Uchrashuv davomida Nigina 2, Anna 4 ta eys zarbasini amalga oshirgan.

Taqqoslash uchun, Nigina Abduraimova WTA reytingida 221-pog'onadan joy olgan. Bu tennischilarning o'zaro ilk uchrashuvi bo'ldi.